Eskolarteko Eskalada Topaketak

 

           

Informazio orokorra

PROBAREN INFORMAZIOA

• Eguna eta lekua: Abenduaren 17an, Pio Baroja Kiroldegian. Pio Baroja, 47, Donostia.
• Partaideak eta mailak: Gipuzkoako ikastetxeetako neska-mutil guztiek har dezakete parte. Maila guztiak kadetetaraino, hau da, 16 urteak arte (barne). 
• Izen-ematea: Rock The Sport webgunean. Ikastetxe eta elkarteek TALDEKAKO ize ematea egin behar dute. Partikularrek BANAKAKOA. Lekurik balego egunean bertan ere izena eman ahal zaingo da.
• Ordutegia: 
  • Eskalada: 9:30-13:30
  • Diploma eta oparia: 13:30-14:30
• Froga sistema eta helburua: 
  • Zirkuito itxi bat egongo da. 
  • Zirkuitoaren helburua haurrek eskalada modalitate guztiak probatzea izango da. Hasi abiadura eskaladarekin, (2 bide), zailtasun eskalada (2 bide), eta azkenik boulderra 10-15 bloke errazetik zailera. 
  • Sokarekin eskalatzeko bideak (zailtasuna eta abiadura) haur kopuru maximo bat izango dute, beraz itxaroten duten bitartean boulderrean egongo dira eskalatzen. 
  • Haur bakoitzak fitxa bat izango du lorpenak apuntatzen joateko, baina ez da sailkapen orokorrik egingo. 
  • Helburua: eskalada ezagutzea eta praktikarekin ondo pasatzea. 
• Opariak: partaide bakoitzak Izadi Kirolaken kamiseta bat jasoko du. 
• Lehen sorospenak: sorospen zerbitzua DYAren ardurapean izango da. 
• Joan-etorria: Berebil partikularrak erabiltzeak, arazo desberdinak sor ditzake: segurtasunezkoa, trafikozkoa, aparkalekukoa, CO2 igorpenak, etab. Garraio kolektiboa erabili. TALDEAN GOAZ! 
• Zalantzatarako deitu 943214900 telefonora edo idatzi Helbide elektroniko honek spam bot-en kontrako babesa du. Ikusteko Javascript-a aktibatu behar duzu
• Ezustekoak: Ezustekoren bat gertatuz gero, antolatzaileen esku egongo da zer egin erabakitzea.
• Partaideen irudiak: Jarduera publikoa izanik, bai prentsan eta bai Federazioaren edo elkarte antolatzailearen webguneetan argitaratu ahal izango diren bideoko eta argazkiko irudiak hartuko dira. Borondatezko izen-emateak gertaera hau baita oinarrietako gainontzeko atalak ere onartzea dakar. Hala ere, umeen arduradunak argazkiak ez publikatzea eskatu dezake. Bertan edo Helbide elektroniko honek spam bot-en kontrako babesa du. Ikusteko Javascript-a aktibatu behar duzu . 
• Oharra: Izen-emateak antolaketako baldintzak onartzea dakar berarekin.

       

kronika

Bigarren urtez jarri dira martxan Gipuzkoako Mendizale Federazioak, Fortuna Kirol elkartearekin elkarlanean antolatutako eskolarteko eskalada topaketak.

Abenduaren 17ko igandea izan da hautatutako eguna eta, iaz bezala, txiki eta gurasoek ez dute huts egin kirol hau ezagutzeko aukera honetara. 157 haur ibili dira paretarekin indarrak neurtzen, paretarekin eta ez gainontzeko haurrekin, ez baita lehiakorra topaketa hauen xedea. Eskola kirola ia bere osotasunean lehiaketan oinarrituta dagoen honetan, topaketa ez lehiakor batzuk antolatzea apostu bat izan da, haurrek euren buruak neurtu, kirola ezagutuz gozatu eta ondo pasatzeko helburuarekin.

Aurrerantzean, gustoko duten kirol disziplina aukeratzerako orduan, "onak edo txarrak" diren kontutan hartu gabe, ludikotasunean oinarrituta hautua egin dezaten. Hau baita, Fortuna kirol elkartearen ustetan, bizi osorako kirol ohitura osasuntsuak hartu eta ariketa fisikoaz gozatu ahal izateko biderik ziurrena. 9:00etatik 13:30ak arte izan dute denbora, Pio Baroja Udal Kiroldegiko rokodromoan prestatuta zeuden erronkei aurre eginez nekatzeko. Kirola ongi ezagutu ahal izateko, modalidade ezberdinetako erronkak zeuden prestatuta, hala nola, 2 bide abiadurako eskalada probatu eta kronometratzeko, 3 bide zailtasuneko kirol eskaladan goraino iristea lortzen zuten probatzeko eta "boulder" modalidadeko 6 bloke, kirol honen espezialidade motz eta intensoena ezagutzeko.

Aipatzekoa da, partehartzaileen gehiengoa kirol elkarte edo ikastetxe batek bideratuta etorri direla, horretarako lana hartu duten entrenatzaile eta irakasleei ere eskertu behar diegu beraz, egun honen arrakasta. Zestoako Agiro Mendi Kluba, Donostiako Orixe eta La Salle ikastetxeak, Lazkaoko Zirkonorte Kirol Elkartea, Azpeitiako Sokaitz elkartea, Tolosako Usabal Kiroldegiko eskalada taldea, eta nola ez, etxeko Fortuna Kirol Elkarteko eskalada taldea izan dira protagonista nagusiak. Adin tartea 5-16 urte bitartekoa bazen ere, txikienak izan dira partehartzaileen gehiengoa.

27 benjamin txiki, 59 benjamin, 50 alebin, 16 infanti eta 5 kadete izan dira hain zuzen ere, lanak amaitu eta kamixeta eta diploma banarekin etxera joan direnak. Argi gelditu da, beste urte batez, kriol honen potentzialidadea eta haurrentzako duen erakargarritasuna, honelako ekintza ez lehiakorrek duten arrakastarekin batera. Ondo egingo lukete eskola kirolak eta kirol ezberdinen federazioek, eredu hau hartu eta beste disziplinetara eramaten, azken finean haurrek konplexuak galdu eta ongi pasatzearen helburu hutsarekin kirola bizi ahal izatea, gabonetarako ez ezik bizi osorako opari ezin hobea delako.

Izen-ematea

           

ARGAZKIAK

           

Berriak

Ez dago berririk