Pertsona bat kontratatu nahi dugu C.D. FORTUNA K.E.-an, klubaren marketin-proiektuaren buru izateko.
Fortuna Kirol Elkartea, 1911an sortu zenetik, oinarrizko kirola sustatzen duen erakundea da – bere bi alderdietan: lehiakorra eta aisialdikoa –, eta bere sekzioen (igeriketa, mendia, eskalada, arrauna, esgrima, boleibola, mahai-tenisa, SUP eta running), instalazioen (Pío Baroja kiroldegia, Kontxako lokala) eta ekitaldien (Behobia-Donostia, mendi zeharkaldiak eta igeriketa, Donostia-Hondarribia traila...) bitartez egiten du.
Funtzio eta erantzukizun nagusiak:
- Klubaren helburuak lortzeko marketin-estrategia eraginkorrak diseinatzea eta gauzatzea, sare sozialen estrategia barne.
- Markaren kontzientzia handitzeko, eskaria sortzeko eta klubaren hazkundean laguntzeko ekintza-plan bat diseinatzea eta gauzatzea.
- Merkatuari buruzko informazio eguneratua mantentzea eta ematea.
- Egiten diren kanpainak planifikatu, gauzatu eta gainbegiratzea.
- Aurrekontuak proposatu eta kudeatzea.
- Eduki erakargarriak sortzea, editatzea, argitaratzea eta partekatzea.
- Marketin-ekintzen eragina ebaluatzea.
- Finkatutako adierazleen eta helburuen jarraipena egitea eta klubari jakinaraztea.
- Klubeko gainerako taldeekin lankidetza estua izatea.
Bete beharreko baldintzak:
Alderdi teknikoak
- Enpresen kudeaketari eta/edo marketinari buruzko prestakuntza desiragarria izango litzateke. Marketineko graduondoko/master bat oso balioetsia izango da.
- Esperientzia egiaztatua (2-3 urte) arlo honetan: marketineko arduraduna, marketineko espezialista, marketin-proiektuen zuzendaritza, marketineko analista, etab.
- Marketineko egungo tresna eta teknologiekin, online publizitateko plataformekin, sare sozialekin eta horietan sortutako eraginaren analitikarekin ohituta egotea.
- Aurrekontuak kudeatzen ohitua.
- Euskara jakitea ezinbestekotzat jotzen da.
- Ziurtagiriak eta/edo esperientzia baloratuko dira Google Analytics, Google Ads eta abarretan.
- Kirol eta/edo elkarteen sektorearen ezagutza oso balioetsia izango da.
Trebetasunak
- Sortzailea, gizarte-trebetasunekin eta harreman-gaitasun handiarekin (bai bezeroekin, bai administrazioarekin, ere), konfiantza-sortzailea, autodiziplinatua, talde-lanean ohitua eta negozio-ikuspegi zabalarekin.
- Merkataritza-ekintza orokorraren berezko trebetasunak izatea: bezeroak erakartzea, sareak sortzea eta mantentzea, produktua eta zerbitzua aurkeztea, negoziatzea eta bezeroarekiko orientazioa. Halaber, trebetasunak eta jarduera baikorra eskatzen dira aniztasunaren esparruan, inklusioarekiko sentsibilitatearekin eta ikuspegiarekin.
Eskaintzen ditugun onurak:
- Soldata lehiakorra.
- Asteko 35,5 orduko lanaldia, ordutegi-malgutasuna, 26 opor-egun (astelehena-ostirala), instalazioetara doan sartzea eta beste onura batzuk.
- Lan-giro bikaina.
- Proiekzio profesional handiko proiektu erakargarri batean parte hartzea.
Interesatuta bazaude, bidali zure hautagaitza Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera.